எஸ்ஐஓ தமிழ்நாடு மற்றும் மகாஸித் நிறுவனம், கனடா இணைந்து நடத்திய இணையவழிக் கருத்தரங்கில் திருச்சி அஸ்ஸலாம் இஸ்லாமியக் கல்லூரி மாணவர்கள் கலந்துகொண்டனர். அறிஞர் ஜாஸிர் அவ்தா (தலைவர், மகாஸித் நிறுவனம்) "Maqasid Methodology: A Vision for Renewal" என்னும் தலைப்பில் உரை நிகழ்த்தினார். கருத்தரங்கின் சுருக்கத்தை  எழுத்து வடிவில் காண சமரசம்

இந்திய மாணவர் இஸ்லாமிய அமைப்பு (எஸ்ஐஓ) ஏற்பாடு செய்த "பாடநூல்களில் வெறுப்பு அரசியல்" கருத்தரங்கில் கல்வியாளர், எழுத்தாளர் மு.சிவகுருநாதன் சிறப்புரையாற்றினார். மாநிலத் தலைவர் அஹ்மது ரிஸ்வான், கல்விச் செயலாளர் சையது சைஃபுத்தீன் ஆகியோர் கருத்துரை வழங்கினர். சனாதனத்துக்கு ஆதரவான, முஸ்லிம் வெறுப்புக் கருத்துகள் தமிழக பாடப் புத்தகங்களில் மலிந்துக் கிடப்பது நிகழ்வில் விவரிக்கப்பட்டது. கருத்துரையை எழுத்து வடிவில் காண sagodharan.in 

சென்னையில் எஸ்ஐஓ மாநிலத் தலைமையகம் ஏற்பாடு செய்த "மாணவர் இஃப்தார்" நிகழ்ச்சி சிறப்பாக நடைபெற்றது. இதில் ஜமாஅத்தே இஸ்லாமி ஹிந்தின் தமிழகத் தலைவர் மெளலவி ஹனீஃபா மன்பயீ சிறப்பு அழைப்பாளராகக் கலந்துகொண்டார். இஸ்லாமிய நிறுவனம் அறக்கட்டளையின் துணைத் தலைவர் Dr. KVS ஹபீப் முஹம்மது சிறப்புரையாற்றினார். கல்லூரி மாணவர்கள் கலந்துகொண்டு நிகழ்வை சிறப்பித்தனர்.  

சென்னை உயர்நீதிமன்ற முன்னாள் நீதிபதி ஹரிபரந்தாமன் அவர்களுடன் எஸ்ஐஓ மாநிலத் தலைவர் அஹ்மது ரிஸ்வான் சந்திப்பு. சமகால சமூக நிகழ்வுகள் பற்றி கலந்துரையாடப்பட்டது. சந்திப்பின்போது, சட்டவியல் தொடர்பாக White dot பதிப்பகம் வெளியிட்டுள்ள நூல்களும், நபிகளார் குறித்த பேரா. ஜவாஹிருல்லாவின் நூலும் அவருக்கு அன்பளிப்பாக வழங்கப்பட்டன.

எஸ்ஐஓ தேசியத் தலைவர் இரண்டு நாள் பயணமாக தமிழ்நாடு வருகை தந்தார். அதன் ஒரு நிகழ்வாக திருப்பத்தூர், வேலூர் ஊழியர்களுடனான சந்திப்பு நடைபெற்றது. அதனை அடுத்து வாணியம்பாடியை சேர்ந்த முக்கியப் பிரமுகர்களுடனான சந்திப்பும் நடைபெற்றது. தமிழக பொறுப்பாளர்கள் உடனிருந்தனர்.

அகில இந்திய மருத்துவக் கலந்தாய்வில் தமிழகத்து மாணவர்கள் அதிக இடங்களில் சேர்வதற்கு தமிழக அரசு நடவடிக்கை எடுக்க வேண்டும் - சுகாதாரத்துறை செயலரிடம் எஸ்ஐஓ நேரில் வலியுறுத்தல் இந்திய மாணவர் இஸ்லாமிய அமைப்பு (எஸ்ஐஓ) மாநிலப் பொதுச் செயலாளர் முஹம்மது ஃபாயிஸ் தலைமையிலான குழு தமிழக சுகாதாரத்துறை செயலர் ககந்தீப் சிங் பேடி அவர்களைச் சந்தித்தது. இச்சந்திப்பின்போது, அகில இந்திய மருத்துவக் கலந்தாய்வில் தமிழகத்து மாணவர்கள் அதிக இடங்களில் சேர்வதற்கு தமிழக அரசு நடவடிக்கை எடுக்க வேண்டும் […]

ஹரியானாவில் முஸ்லிம்களுக்கு எதிராக நடத்தப்படும் கலவரத்தைக் கண்டித்தும், ரயிலில் RPF காவலர் நடத்திய கொடூரக் கொலைகளுக்கு எதிராகவும்  தமிழகத்தின் பல்வேறு பகுதிகளில்  கண்டன ஆர்ப்பாட்டம் நடைப்பெற்றது. 

நாகூரில் நடந்த காற்றாடி திருவிழாவில் ஆயிரத்திற்கும் மேற்பட்டோர் கலந்து கொண்டனர். இன்றைய மாணவர்களும் இளைஞர்களும் அதிகமாக மொபைல் போனுக்கும் ஆன்லைன் கேமுக்கும் அடிமையாகி உள்ளனர். இந்நிலையில் சிறுவர்களுக்கு வீதி விளையாட்டில் ஆர்வத்தை ஏற்படுத்தவும் வீடியோ கேம் சமூக வலைத்தளம் டிவி போன்றவற்றின் அடிமைத்தனத்திலிருந்து அவர்களை விடுவிக்கவும் இந்திய மாணவர் இஸ்லாமிய அமைப்பு சார்பில் ஒவ்வொரு ஆண்டும் நாகூரில் காற்றாடி திருவிழா நடைபெறும். அந்த வகையில் நான்காவது ஆண்டாக இன்று நாகூர் கடற்கரையில் காற்றாடி திருவிழா நடைபெற்றது. இதில் […]

எஸ்ஐஓ அகில இந்தியத் தலைவர் ரமீஸ் EK அவர்கள் கோயம்புத்தூருக்கு வருகை தந்தார். அதையொட்டி பல்வேறு நிகழ்வுகள் நடைபெற்றன. மாலை நடைபெற்ற ஊழியர் கூட்டத்தில் மாணவர், இளைஞர்கள் திரளாகக் கலந்துகொண்டனர்.

SoulSpark: Illuminate Ethics பரப்புரையை முன்னிட்டு சென்னையில் கல்வி வளாகப் பொறுப்பாளர்களுக்கான கூட்டம் நடைபெற்றது. இதில் JIH மாநில அமைப்புச் செயலாளர் கே.ஜலாலுதீன், மாநிலச் செயலாளர் ஃபெரோஸ் கான், சாலிடாரிட்டி இளைஞர் அமைப்பின் தமிழகத் தலைவர் கமாலுதீன், SIO முன்னாள் மாநில பொதுச் செயலாளர் பீர் முஹம்மது, ஊடகவியலாளர் மோகன் உள்ளிட்டோர் சிறப்பு விருந்தினர்களாகக் கலந்துகொண்டு உரை நிகழ்த்தினர். நிகழ்ச்சியில் நாற்பது மாணவர்கள் கலந்துகொண்டு நிகழ்வை சிறப்பித்தனர்.