மாணவர் தேர்தல் அறிக்கை – திமுக தேர்தல் அறிக்கை தயாரிப்புக் குழுவினருடன் சந்திப்பு

மாணவர் தேர்தல் அறிக்கை – திமுக தேர்தல் அறிக்கை தயாரிப்புக் குழுவினருடன் சந்திப்பு

திமுக தேர்தல் அறிக்கை தயாரிப்புக் குழு – கருத்துக் கேட்பு கூட்டம் திருச்சியில் இன்று நடைபெற்றது. இதில் SIO பொறுப்பாளர்கள் கலந்துக் கொண்டனர்.

நாடாளுமன்ற உறுப்பினர் திருமதி கனிமொழி கருணாநிதி MP, நாடாளுமன்ற உறுப்பினர் டி.கே.எஸ் இளங்கோவன் MP, உயர்கல்வித் துறை அமைச்சர் திரு. கோவி செழியன் MLA, பள்ளிக் கல்வித் துறை அமைச்சர் திரு. அன்பில் மகேஷ் பொய்யாமொழி MLA, தொழில்துறை அமைச்சர் திரு. டி.ஆர்.பி ராஜா MLA, நகர்ப்புற வளர்ச்சித் துறை அமைச்சர் திரு. KN நேரு MLA, கனிமவளத் துறை அமைச்சர் திரு. ரகுபதி MLA, முன்னால் நாடாளுமன்ற உறுப்பினர் MM அப்துல்லா, ஆயிரம் விளக்கு சட்டமன்ற உறுப்பினர் மருத்துவர் எழிலன் MLA, மானாமதுரை சட்டமன்ற உறுப்பினர் திரு. தமிழரசி ரவிக்குமார் MLA, திமுக சுற்றுச் சூழல் அணி செயலாளர் திரு. கார்த்திகேய சிவசேனாபதி, மற்றும் கனவு தமிழகம் ஒருங்கிணைப்பாளர் திரு. சுரேஷ் சம்பந்தம் ஆகியோருக்கு மாணவர் தேர்தல் அறிக்கை வழங்கப்பட்டு அதன் கோரிக்கைகளை திமுக தேர்தல் அறிக்கையில் சேர்த்து நிறைவேற்றித் தந்திட கேட்டுக்கொள்ளப்பட்டது.

SIO மாநில கல்வி வளாகச் செயலாளர் சகோதரர் ரஹமத்துல்லா மற்றும் SIO திருச்சி மாவட்டப் பொறுப்பாளர்கள் இந்நிகழ்வில் கலந்துக்கொண்டனர்.

கல்வி வளாக பயிற்சி பட்டறை முகாம்

அஸ்ஸலாமு அலைக்கும் வ ரஹ்மத்துல்லாஹி வ பாரகத்துஹு

இந்திய மாணவர் இஸ்லாமிய அமைப்பு (SIO) தமிழ்நாடு மாநில அளவில் இரண்டு நாட்கள் கொண்ட “கல்வி வளாக பயிற்சி பட்டறை முகாம்” வெற்றிகரமாக நடத்தப்பட்டது.

இம்முகாம் 2025 அக்டோபர் 25 மற்றும் 26 தேதிகளில் திருச்சியில் நடைபெற்றது. கல்வியின் உண்மையான நோக்கங்கள், இஸ்லாமிய மதிப்புகள் மற்றும் மாணவர்களின் முழுமையான வளர்ச்சி குறித்து ஆழமான உரைகள் நடைபெற்றன.

இந்நிகழ்வில் இந்திய மாணவர் இஸ்லாமிய அமைப்பின் அகில இந்திய பொது செயலாளர் சகோதரர் அனீஸ் ரஹ்மான் (Adv.) அவர்கள் மற்றும் கல்வி செயலாளர் சகோதரர் ரோஷன் அவர்கள் சிறப்பு விருந்தினர்களாக கலந்து கொண்டு சிறப்புரைகள் வழங்கினர்.

மேலும், பல்வேறு துறைகளிலிருந்து வந்த கல்வியாளர்கள் மாணவர்களுக்கு வழிகாட்டுதலுடன் ஊக்கமூட்டும் உரைகள் வழங்கினர்.

முகாமில் கலந்துகொண்ட மாணவர்களுக்கு இது ஒரு புதிய சிந்தனை ஊட்டும் மற்றும் ஊக்கமளிக்கும் அனுபவமாக அமைந்தது.

இறுதியாக, கல்வியை வழிகாட்டும் ஒளியாகக் கொண்டு சமூக மாற்றத்திற்கு வழிவகுப்போம் என்பதே இம்முகாமின் முக்கிய நோக்கமாக இருந்தது.

திருச்சி நாடாளுமன்ற உறுப்பினருடன் SIO & சாலிடாரிட்டி பொறுப்பாளர்கள் சந்திப்பு.

சிறுபான்மையின மாணவர்களுக்கு வழங்கப்பட்டு வந்த பல்வேறு கல்வி உதவித் தொகைகளை பாஜக அரசு நிறுத்தியுள்ளது. அந்தக் கல்வி உதவித்தொகைகளை மீண்டும் வழங்கிட நாடாளுமன்றத்தில் கேள்வி எழுப்ப வலியுறுத்தி திருச்சி நாடாளுமன்ற உறுப்பினர் திரு. துரை வைகோ MP அவர்களை சந்தித்து SIO மற்றும் சாலிடாரிட்டி பொறுப்பாளர்கள் கோரிக்கை வைத்தனர்.

இச்சந்திப்பில் SIO திருச்சி மாவட்டச் செயலாளர் சகோ. ஷரிஃப் அஹமது ,சாலிடாரிட்டி இளைஞர் அமைப்பின் திருச்சி மாவட்டத் தலைவர் ஜனாப். ரியாஸ் மற்றும் SIO மாவட்டப் பொறுப்பாளர்கள் இருந்தனர்.